Umhverfissvið Mosfellsbæjar óskar eftir tilboðum í verkið: „Íþróttamiðstöðin að Varmá - Endurbætur á þaki yfir sal 1-2“

27.01.2020 08:00

Mosfellsbær er að endurbæta þak á Íþróttamiðstöðinni að Varmá. Hluti af þakinu hefur verið endurbættur en fyrir liggur að framkvæma endurbætur á þeim hluta sem er óviðgerður. Sá hluti sem þegar er viðgerður er einungis lítill hluti af þakfletinum.

Verkefni þetta felur í sér útvegun og smíði á þeim hluta burðarvirkisins sem þarf að endurnýja, þ.e. einingum sem eru á milli burðarsperra í húsinu. Þeim verði skilað og komið fyrir eins og þær einingar sem fyrir eru. Þær eru einangraðar og fullfrágengnar að neðan. Verktaki skal setja nýjan þakdúk samavarandi þeim sem fyrir er, ásamt því að endurnýja og tengja rafdrifnar reyklosunarlúgur. Öll útvegun efnis og allur frágangur fylgi verklýsingum og verði unnin í samráði við verkkaupa og verkeftirlit.

Helstu verkþættir í verki, sem þetta útboð nær til, eru eftirfarandi:

  • Fjarlæging og förgun þakdúks og burðarplatna.
  • Viðgerðir á þaksperrum (Gitter sperrur ).
  • Smíði á burðarplötum og frágangur ofan á sperrur.
  • Ásetning á nýjum þakdúki ásamt frágangi við þakbrúnir.
  • Endurnýjun reyklosunarlúga og tengingar
  • Efnisútvegun.
  • Varnir innanhúss vegna framkvæmda.

 

Helstu magntölur eru: Magn Eining
Endurbætur á þaki 2.400 m2
Fjöldi burðarplatna (áætlað) 20 stk.
     

Verkinu skal að fullu lokið 12. ágúst 2020.

Útboðsgögn verða afhent í afgreiðslu bæjarskrifstofu Mosfellsbæjar, Þverholti 2, 2. hæð frá og með klukkan 10:00 á þriðjudeginum 28. janúar 2020.

Tilboðum skal skilað á sama stað, bæjarskrifstofur Mosfellsbæjar, eigi síðar en föstudaginn 14. febrúar 2020 kl.13:00 og þau opnuð að viðstöddum þeim bjóðendum sem þess óska.

Til baka