Umhverfissvið Mosfellsbæjar óskar eftir tilboðum í verkið: „Tímavinna iðnaðarmanna“

31.01.2020 08:33

Mosfellsbær óskar eftir verðum í ófyrirséð (tilfallandi) viðhald og minni háttar fyrirséð viðhald sem Mosfellsbær ákveður að bjóða ekki út sérstaklega á fagsviðunum trésmíði, pípulögn, raflögn, málun, múrverk, dúkalögn, stálsmíði, blikksmíði og garðyrkju.

Reiknað er með að vinna á grundvelli útboðsins hefjist 1. júní 2020 og gerður verður samningur um veitta þjónustu til tveggja ára í senn. Mosfellsbær áskilur sér rétt til að framlengja samningi um tvö ár, eitt ár í senn, í samráði við verktaka. Á hverju fagsviði verður samið við tvo til þrjá aðila.

Yfirlit:

  • Gögn afhent á bæjarskrifstofu Mosfellsbæjar - 4. febrúar 2020.
  • Fyrirspurnir berist fyrir - 21. febrúar 2020.
  • Svarfrestur fyrirspurna - 25. febrúar 2020.
  • Opnun tilboða - 28. febrúar 2020.

Útboðsgögn verða afhent í afgreiðslu bæjarskrifstofu Mosfellsbæjar, Þverholti 2, 2. hæð frá og með kl. 10:00 á þriðjudeginum 4. febrúar 2020. Tilboðum skal skilað á sama stað, bæjarskrifstofur Mosfellsbæjar, eigi síðar en föstudaginn 28. febrúar 2020 kl. 13:00 og þau opnuð að viðstöddum þeim bjóðendum sem þess óska.

 

 

Til baka