Stækkun Leirvogstungu, framlengdur frestur

Mosfellsbær auglýsir hér með framlengdan athugasemdafrest til 20. nóvember 2015 vegna tillögu að breytingum á deili­skipulagi, sem auglýst var 18. september með athugasemdafresti til 30. október.

Tillagan er um stækkun Leirvogstunguhverfis til austurs, með nýrri götu austan við Kvíslartungu þar sem verði 2-ja hæða fjórbýlis- og parhús og tvö einnar hæðar einbýlishús austan götunnar, en einnar hæðar rað- og parhús vestan hennar, næst lóðum við Kvíslartungu. Alls 38 íbúðir við nýju götuna.

Tillagan verður til sýnis í þjónustuveri Mosfellsbæjar Þver­holti 2, fram til 20. nóvember 2015, svo að þeir sem þess óska geti kynnt sér hana og gert við hana athugasemdir. Tillagan er einnig birt hér á heimasíðunni:

Tillöguuppdráttur (pdf)

Athugasemdir skulu vera skriflegar og skal senda þær til skipulagsnefndar Mos­fells­bæjar, Þverholti 2, 270 Mosfellsbæ, eigi síðar en 20. nóvember 2015.

2. nóvember 2015,

Skipulagsfulltrúi Mosfellsbæjar