Tillaga að breytingu á deiliskipulagi

21.12.2019

Mosfellsbær auglýsir á ný tillögu að breytingu á deiliskipulagi, skv. 1. mgr. 43. gr. skipulagslaga nr. 123/2010: Deiliskipulagsáfangi IV - Helgafellsland, Mosfellsbæ.

Breytingin felur í sér einföldun á gatnakerfi svæðisins, austasti hluti Skammadalsvegar færist norðar og nýtt hringtorg á gatnamótum Liljugötu, Lóugötu og Kolbrúnargötu.

Í gildandi deiliskipulagi voru áætlaðar 113 íbúðir í einbýli, par- og raðhúsum. Í breytingartillögunni er gert ráð fyrir einnar hæðar einbýlis- og raðhúsum í suður- og miðhluta svæðisins. Í norður- og vesturhluta verða tveggja og þriggja hæða fjölbýlishús. Samtals allt að 188 íbúðir. Meðal nýtingarhlutfall er < 0,5.

Tillagan verður til sýnis í Þjónustuveri Mosfellsbæjar, Þverholti 2, frá 21. desember 2019 til og með 3. febrúar 2020, svo að þeir sem þess óska geti kynnt sér tillöguna og gert við hana athugasemdir.

Tillagan verður einnig birt á vef Mosfellsbæjar á slóðinni: mos.is/skipulagsauglysingar

Athugasemdir skulu vera skriflegar og skal senda þær til skipulagsnefndar Mosfellsbæjar, Þverholti 2, 270 Mosfellsbæ, eða í tölvupósti til undirritaðs eigi síðar en 3. febrúar 2020.

21. desember 2019
Skipulagsfulltrúi Mosfellsbæjar
olafurm[hja]mos.is

 

Til baka