Tillaga að breytingu á deiliskipulagi - Breytt aðkoma við Varmárskóla

24.03.2020

Mosfellsbær auglýsir hér með tillögu að breytingu á deiliskipulagi, skv. 1. mgr. 43. gr. skipulagslaga nr. 123/2010.

Breytingin felur í sér að núverandi starfsmannastæði eru látin halda sér og hringakstursleið/sleppistæði norðan Skólavegar við íþrótta- og leiksvæði eru tekin út. Bílastæðum fjölgar því frá því sem var í gildandi deiliskipulagi. Breytt fyrirkomulag er á biðstöðvum almenningsvagna og aðkomutorgs skilgreint. Sleppistæði sunnan Skólavegar eru tekin út.

Gildandi deiliskipulag var staðfest 24. mars 2014 og önnur ákvæði þess verða óbreytt.

Tillagan verður til sýnis í Þjónustuveri Mosfellsbæjar, Þverholti 2, frá 24. mars 2020 til og með 8. maí 2020, svo þeir sem þess óska geta kynnt sér tillöguna og gert við hana athugasemdir. Uppdráttur eru einnig birtir á vef Mosfellsbæjar á slóðinni: mos.is/skipulagsauglysingar. Athugasemdir skulu vera skriflegar og skal senda þær til skipulagsnefndar Mosfellsbæjar, Þverholti 2, 270 Mosfellsbær, eða í tölvupósti til undirritaðs eigi síðar en 8. maí 2020.

 

24. mars 2020
Fh. Skipulagsfulltrúa Mosfellsbæjar
kristinnp[hja]mos.is

 

Til baka