Grenndarkynningar – Dreifistöð í Krikahverfi og breytt lóðamörk við Vogatungu 58-60

10.06.2020

Breytingu á deiliskipulagi Krikahverfis – ný lóð fyrir dreifistöð.

Skipulagsnefnd Mosfellsbæjar samþykkti á fundi sínum þann 5. júní sl. að grenndarkynna tillögu að breytingu á deiliskipulagi Krikahverfis sem samþykkt var 11.08.2005 m.s.br. Breytingin er kynnt í samræmi við 2. mgr. 43. gr. og 44. gr. skipulagslaga nr. 123/2010. Tillagan gerir ráð fyrir nýrri lóð fyrir dreifstöð við Sunnukrika 4, norð-vestan við núverandi bensínstöð Atlantsolíu ehf. Hin nýja lóð er 35 m2 og nýtingarhlutfall hennar 0,62. Áætlað er að byggja 17 m2 dreifistöð Veitna ohf á lóðinni.

Hér með gefinn kostur á að koma skriflegum athugasemdum eða ábendingum vegna áformaðra breytinga á deiliskipulaginu á framfæri á netfangið skipulag[hja]mos.is eða í Þjónustuveri Mosfellsbæjar að Þverholti 2. Frestur til að skila inn athugasemdum/ábendingum er til og með 10. júní – til 9. júlí n.k. Litið verður svo á að þeir sem ekki gera athugasemdir séu samþykkir breytingunum.

 

10. júní 2020
Kristinn Pálsson
Skipulagsfulltrúi Mosfellsbæjar

 

Til baka