Deiliskipulagsbreyting við Silungatjörn L125175

21.04.2021

Mosfellsbær auglýsir hér með tillögu að breytingu á deiliskipulagi við Silungatjörn í landi Miðdals, frístundabyggð 513-F, skv. 1. mgr. 43. gr. skipulagslaga nr. 123/2010.

Um er að ræða breytingu þar sem að afmörkun eldra skipulags er stækkuð fyrir lóð L125175. Heimilt verður að byggja stakt frístundahús á landinu í samræmi við gildandi aðalskipulag Mosfellsbæjar. Byggingarheimildir fylgja aðalskipulagi. Aðkoma er um norðanvert vatnið og liggur nýr vegur að lóð í landi Miðdals.

Tillagan var auglýst í Mosfellingi og Lögbirtingarblaðinu. Hún er einnig aðgengileg á Upplýsingatorgi, Þverholti 2, svo þeir sem vilja geta kynnt sér hana og gert athugasemdir. Athugasemdir skulu vera skriflegar, ásamt helstu upplýsingum um sendanda, og merktar skipulagsnefnd Mosfellsbæjar, Þverholti 2, 270 Mosfellsbæ. Einnig má senda athugasemdir í tölvupósti á skipulag@mos.is.

Athugasemdafrestur er frá 22. apríl 2021 til og með 15. júní 2021.

Skipulagsfulltrúi Mosfellsbæjar

Til baka