Grenndarkynning vegna tillögu að breytingu á deiliskipulagi Þingvallarvegar vegna nýrrar dreifistöðvar

09.07.2021

Á fundi Skipulagsnefnd Mosfellsbæjar þann 1. júlí sl. var samþykkt að grenndarkynna í samræmi við 2. mgr. 43. gr. og 44. gr. skipulagslaga nr. 123/2010, vegna tillögu að breytingu á deiliskipulagi Þingvallarvegar sem samþykkt var 14.11.2019, vegna nýrra lóðar fyrir dreifistöð. Lóðin er 54 m2 og staðsett vestan við fyrirhugað bílastæði og aðkomu rútubíla við Laxnessafnið á Gljúfrasteini.

Tillagan er einnig aðgengileg á vef Mosfellsbæjar, mos.is/skipulagsauglysingar.

Í þessu tilviki er um að ræða óverulega breytingu á deiliskipulagi, sbr. 2. mgr. 43. gr. skipulagslaga. Hér með er gefinn kostur á að koma athugasemdum eða ábendingum á framfæri vegna þeirra framkvæmda sem sótt hefur verið um. Athugasemdir skulu vera skriflegar, ásamt helstu upplýsingum um sendanda, og merktar skipulagsnefnd Mosfellsbæjar, Þverholti 2, 270 Mosfellsbæ. Einnig má senda athugasemdir í tölvupósti á skipulag@mos.is.

Frestur til að skila inn athugasemdum/ábendingum er rúmlega 4 vikur frá dagsetningu fréttarinnar, þ.e. til og með 10. ágúst nk.

Til baka