Grenndarkynning vegna tillögu að breytingu á deiliskipulagi lóðarinnar Urðarsels í landi Miðdals

19.08.2021

Á fundi Skipulagsnefnd Mosfellsbæjar þann 13. ágúst sl. var samþykkt að grenndarkynna í samræmi við 2. mgr. 43. gr. og 44. gr. skipulagslaga nr. 123/2010, vegna tillögu að breytingu á deiliskipulagi frístundahúss í land Miðdals í Mosfellsbæ, vegna Urðarsels. Deiliskipulagið var samþykkt 12.02.2003, gerð var breyting á því 9. maí 2006.

Tillagan að breytingunni felst í að lóðinni er skipt upp í tvær lóðir. Stærri lóðin sem núverandi hús standa á verður 24.496 m2 og minni lóðin verður 10.005 m2. Á lóðunum eru byggingarreitir þar sem heimilt er að reisa allt að 110 m2 frístundahús ásamt 20 m2 aukahúsi sem má vera frístandandi eða sambyggt aðalhúsi. Meðfylgjandi er tillöguuppdráttur sem sýnir framangreindar breytingar.

Tillagan er einnig aðgengileg á mos.is/skipulagsauglysingar.

Í þessu tilviki er um að ræða óverulega breytingu á deiliskipulagi, sbr. 2. mgr. 43. gr. skipulagslaga. Hér með er gefinn kostur á að koma athugasemdum eða ábendingum á framfæri vegna þeirra framkvæmda sem sótt hefur verið um. Athugasemdir skulu vera skriflegar, ásamt helstu upplýsingum um sendanda, og merktar skipulagsnefnd Mosfellsbæjar, Þverholti 2, 270 Mosfellsbæ. Einnig má senda athugasemdir í tölvupósti á skipulag@mos.is.

Frestur til að skila inn athugasemdum/ábendingum er til og með 20. september nk.

Til baka