Tilkynning til barnaverndar
Ef þú heldur að barn sé í hættu hringdu strax í 112.
Starfsfólk velferðarsviðs tekur við tilkynningum í síma 525-6700 á opnunartíma bæjarskrifstofu. Utan dagvinnutíma tekur 112 við tilkynningum.
Bakvakt barnaverndar Mosfellsbæjar sinnir neyðartilvikum utan dagvinnutíma.
Ég er barn og hef áhyggjur
Ef þú, eða einhver sem þú þekkir þarf aðstoð, þá getur þú skrifað upplýsingar hér fyrir neðan og sent til starfsmanns barnaverndar sem hefur svo samband við þig.
Enginn mun tala við neinn um það sem þú skrifar nema tala við þig fyrst.
Ef þú ert hrædd/hræddur eða finnst að þú sért í hættu skaltu hringja í 112.
Hvað á að tilkynna?
Allt athæfi sem getur verið hættulegt andlegri eða líkamlegri heilsu og þroska barns. Það getur verið vanræksla, vanhæfni eða framferði foreldra gagnvart barni, áreitni eða ofbeldi af hendi annarra gagnvart barni eða hegðun þess.
Einnig skal tilkynna ef grunur er um að refsiverður verknaður hafi verið framinn gegn barni eða af því.
Forsjá og umgengni
Barnavernd hefur ekki ákvörðunarvald er varðar umgengni við barn. Í þeim tilfellum á að leita til sýslumanns í því umdæmi sem barnið býr. Barnavernd hefur einungis vald til að ákvarða umgengni ef barn er vistað utan heimilis á grundvelli barnaverndarlaga.
Ferli barnaverndarmála
Markmið
Markmið barnaverndar er að tryggja börnum viðunandi uppeldisskilyrði. Það er gert með því að styrkja uppeldishlutverk fjölskyldunnar og beita úrræðum til verndar einstökum börnum þegar það á við. Með börnum er átt við einstakling innan 18 ára aldurs.
Þjónusta barnaverndar er í samræmi við barnaverndarlög nr. 80/2002 og önnur lög, eftir því sem við á hverju sinni.