Nýtt fjölnota íþróttahús að Varmá hefur verið tekið í notkun.
Efnt var til nafnasamkeppni fyrir nýja húsið og skipuð var sérstök nafnanefnd Mosfellsbæjar og Aftureldingar. Í nefndinni sátu frá Mosfellsbæ þau Bjarki Bjarnason og Anna Sigríður Guðnadóttir en fulltrúi Aftureldingar var Geirarður Þór Long. Starfsmaður nefndarinnar var Sigurður Guðmundsson íþróttafulltrúi Mosfellsbæjar.
Alls sendu 206 bæjarbúar inn tillögur sínar í nafnasamkeppnina og komu fram 135 tillögur að heiti á húsinu. Nefndin hélt tvo fundi og varð það niðurstaða nefndarinnar að velja nafnið Fellið sem 6 einstaklingar lögðu til. Þau sem lögðu nafnið til eru Ingibjörg Ívarsdóttir, Hafdís Benediktsdóttir, Magnea Ingimundardóttir, Agnar Davíð Halldórsson, Elín Konráðsdóttir og Rakel Baldursdóttir.
Tengt efni
Vilt þú hafa áhrif á uppbyggingu að Varmá?
Mosfellsbær og Afturelding vinna að þarfagreiningu fyrir nýja þjónustu- og aðkomubyggingu við íþróttamiðstöðina að Varmá.
Starfsemi Eldingar að Varmá lýkur 30. júní næstkomandi
Þann 30. júní lýkur samstarfi Mosfellsbæjar og Eldingar um aðstöðu til almennrar líkamsræktar og styrktarþjálfunar í Íþróttamiðstöðinni að Varmá.
Fjölnota íþróttahús vígt að Varmá
Nýtt fjölnota íþróttahús var vígt að Varmá laugardaginn 9. nóvember við hátíðlega athöfn.
