Benedikt Ólafsson 19 ára Mosfellingur var valinn úr stórum hópi Landsliðs Íslands í hestaíþróttum til að taka þátt í Heimsmeistaramóti íslenska hestsins sem fram fór í Hollandi í sumar.
Benedikt sem hafði þá verið hluti af landsliðinu síðastliðin fimm ár, unnið Landsmót hestamann tvisvar og Íslandsmeistartitil í tölti á Biskupi frá Ólafshaga gerði sér lítið fyrir og tryggði sér tvo heimsmeistaratitla í Hollandi.
Heimsmeistaratitilinn í gæðingaskeiði tryggði hann sér á merinni Leiru-Björk frá Naustum lll, en gæðingaskeið er þeirra aðalgrein og hafa þau verið ríkjandi Íslandsmeistarar í nokkur ár. Þá tók hann einnig þátt í fleiri greinum til þess að reyna við Heimsmeistaratitil í samanlögðum fimmgangsgreinum sem tókst glimrandi vel og landaði þannig öðrum heimsmeistaratitli.
Merina Leiru-Björk keypti Benedikt fyrir fermingarpeningana sína og voru það erfið skref að hans sögn að þurfa að teyma hana upp á flutningabíl sem flutti hana á frábært heimili í Sviss. En eins og margir vita eiga íslenskir hestar sem taka þátt í mótum erlendis ekki afturkvæmt til landsins eftir að hafa verið fluttir út til keppni.
Benedikt hefur með þessum Heimsmeistaratitlum sínum öðlast þáttökurétt á næsta Heimsmeistaramóti sem fram fer í Sviss eftir tvö ár og hefur leitin að nýju hrossi hafist.
Mosfellsbær óskar þessum unga og efnilega hestamanni innilega til hamingju með þennan frábæra árangur.
Tengt efni
Mosöld 2024 fer fram í Mosfellsbæ
Fjallahjólabraut og frisbígolf í Ævintýragarðinum
Framkvæmdir hófust í morgun við nýja fjallahjólabraut í Ævintýragarðinum.
Afturelding bikarmeistari kvenna í blaki
Það var mikil stemming og fullt hús í Digranesi á laugardaginn þegar kvennalið Aftureldingar í blaki mætti Íslands- og bikarmeisturum KA í úrslitaleik í Kjörísbikarnum.