Bæjarráð Mosfellsbæjar tók ákvörðun þann 22.08.2016 að endurnýja gervigras og gúmmíkurl á öllum spark- og keppnisvöllum í bænum.
Ákvörðunin var tekin í kjölfar umræðu í samfélaginu og tilmæla Umhverfisstofnunar þar sem lagt var til að dregið yrði úr notkun svartra gúmmíinnfyllingarefna þrátt fyrir að ekki hafi verið sýnt fram á skaðsemi slíkra efna.
Í kjölfarið var unnið að endurnýjun allra spark- og keppnisvalla bæjarins við grunnskóla og á íþróttasvæðinu við Varmá. Nú er þessu stóra verkefni lokið og allir vellirnir uppfylla kröfur KSÍ og innihalda hreinsaða gráa EPDM innfyllingu.Þá hefur gervigrasvöllurinn á Varmársvæðinu hlotið svokallaða FIFA Quality Pro gæðavottun sem er sameiginleg krafa FIFA og UEFA um keppnisvelli með gervigrasi.
Mosfellsbær óskar bæjarbúum og Aftureldingu til hamingju með endurnýjaðan gervigrasvöll á íþróttasvæðinu við Varmá.
Tengt efni
Samningur um innréttingar íþróttahúss Helgafellsskóla undirritaður
Samningur um innri frágang og innréttingar við íþróttahús sem tilheyrir Helgafellsskóla hefur verið undirritaður við fyrirtækið Land og verk ehf.
Mosöld 2024 fer fram í Mosfellsbæ
Fjallahjólabraut og frisbígolf í Ævintýragarðinum
Framkvæmdir hófust í morgun við nýja fjallahjólabraut í Ævintýragarðinum.