Fyrir liggur að mötuneyti og borðsalur verða tilbúin í upphafi skólaársins og sérgreinastofur í september. Markmiðið er að vinnu ljúki á neðri hæð í október. Framkvæmdir á gluggum og gluggaskipti á efri hæð munu mögulega standa yfir eftir að skólaárið hefst án þess að hafa teljandi áhrif á skólastarf.
Miklar vetrarhörkur hafa tafið vinnu utan dyra og þá varð kæra vegna útboðs á gluggum til þess að seinka þeirri vinnu, þó svo að frumúrskurður sé Mosfellsbæ í vil.
Þessir ytri þættir hafa orðið til þess að seinka verklokum á þriðja mánuð. Það þýðir að í stað þess að verklok náist á öllum verkþáttum fyrir upphaf næsta skólaárs verða nokkur verkefni í vinnslu út misserið, en kappkostað verður við að áhrif þess á skólastarf verði sem minnst. Sem fyrr kallar það á gott samstarf við starfsfólk og foreldra.
Við leyfum okkur að minna á að þegar farið er í framkvæmdir sem þessar er tækifærið nýtt til þess að uppfæra húsnæðið í heild sinni og að loknum endurbótum fáum við bjart og nútímalegt kennsluhúsnæði og betri borðsal svo nokkuð sé nefnt.
Tengt efni
Samningur um innréttingar íþróttahúss Helgafellsskóla undirritaður
Samningur um innri frágang og innréttingar við íþróttahús sem tilheyrir Helgafellsskóla hefur verið undirritaður við fyrirtækið Land og verk ehf.
Lokun á hluta Þverholts 24. apríl 2024
Lokun á Vefarastræti vegna framkvæmda 23. apríl 2024