Tindahlaup Mosfellsbæjar í boði Nettó er krefjandi og skemmtilegt utanvegahlaup, eða náttúruhlaup, sem haldið er í Mosfellsbæ síðustu helgina í ágúst ár hvert.
Tindahlaupið 2024
Tindahlaupið fer fram laugardaginn 31. ágúst 2024.
Hlaupið er utanvega um fjöll, heiðar og dali í bæjarlandi Mosfellsbæjar. Boðið er upp á fjórar vegalengdir 1, 3, 5 og 7 tinda og ættu því byrjendur sem og lengra komnir að finna leið við hæfi.
Hlaupið 2024 er jafnframt 15 ára afmæli hlaupsins og því verður um sérstakt afmælishlaup að ræða í samstarfi við Nettó.
Skráning og afhending gagna
Hægt er að skrá sig á hlaup.is til miðnættis miðvikudaginn 28. ágúst 2024.
Afhending gagna verður:
- Fimmtudaginn 29. ágúst milli kl. 17:00 og 20:00 – Nettó Mosfellsbæ
- Föstudaginn 30. ágúst milli kl. 17:00 og 20:00 -íþróttamiðstöðinni að Varmá
Athugið að ekki er hægt að skrá sig eða sækja gögn á keppnisdag!
Vegalengdir og þátttökugjald
Fjöldi tinda | Vegalengd | Verð | Rástími |
---|---|---|---|
1 | 12,4 km m/420m hækkun | 5.000 kr. | kl. 9:00 |
3 | 19 km m/812m hækkun | 6.000 kr. | kl. 9:00 |
5 | 34,4 km m/1410m hækkun | 6.500 kr. | kl. 11:00 |
7 | 38,2 km m/1822m hækkun | 7.000 kr. | kl. 11:00 |
Mikilvægt er að þátttakendur séu komnir að Íþróttamiðstöðinni við Varmá minnst 30 mín. fyrir hlaup.
- Drykkjarstöðvar á leiðinni
- Markið lokar kl. 16:00
- Tímataka með flögum
- Þátttakendur eru að öllu leyti á eigin ábyrgð í hlaupinu
- Frítt í Varmárlaug að hlaupi loknu
ITRA punktahlaup
Tindahlaupið hefur staðist kröfur ITRA (International Trail Running Association) og fengið eftirfarandi hlaupaleiðir viðurkenndar sem punktahlaup:
- 3 Tindar = 1 ITRA Punktur
- 5 Tindar = 1 ITRA Punktur
- 7 Tindar = 2 ITRA Punktar
Tindahöfðingi
Til að verða Tindahöfðingi þarf hlaupari að hlaupa allar fjórar vegalengdir hlaupsins. Þ.e. 1 tind, 3 tinda, 5 tinda og 7 tinda. Safnaðu tindum og þú færð glæsilega viðurkenningu og sæmdarheitið Tindahöfðingi.
Þeir sem gera tilkall til Tindahöfðingjans eru beðnir um að senda póst á birgirkonn[hja]gmail.com.